AQSH ELCHIXONASI RELO OFISI VAKILLARI BILAN UCHRASHUV BO‘LIB O‘TDI

O‘zbekiston davlat jahon tillari universitetida AQSH elchixonasi huzuridagi Hududiy ingliz tili ofisi (Regional English Language Office – RELO) vakillari hamda ingliz tili bo‘yicha mutaxassislar bilan uchrashuv tashkil etildi.

Uchrashuv davomida qator masalalar bilan bir qatorda – RELO dasturlari orqali AQSHlik ingliz tili o‘qituvchilarini O‘zDJTUga ma’ruza va seminar-treninglarga jalb qilish; AQSH Davlat departamenti ko‘magida an’anaviy xalqaro konferensiyalarni tashkil etish va qo‘shma loyihalarni amalga oshirish; AQShlik mutaxassis, doktor Chiramontenning 1-ingliz tili, ingliz filologiyasi fakultetlari hamda malaka oshirish kurslarida darslarini tashkil etish masalalari muhokama qilindi.

Tomonlar ikki tomonlama hamkorlikni yanada mustahkamlash va O‘zDJTU professor-o‘qituvchilari hamda talabalariga xalqaro imkoniyatlarni kengaytirishga kelishib oldilar.