BOSHQARUV VA PEDAGOG KADRLARI BELARUSDA MALAKA OSHIRMOQDALAR

Oʻzbekiston kasbiy taʼlim muassasalari boshqaruv va pedagog kadrlari Belarusda malaka oshirmoqdalar.

1-apreldan boshlab Oʻzbekiston Respublikasi kasbiy taʼlim muassasalarining 23 nafar boshqaruv va pedagog kadrlari Belarus Respublikasining Professional taʼlimni rivojlantirish instituti va professional taʼlim muassasalarida bir haftalik malaka oshirish kursini oʻtamoqdalar.

Kursda tinglovchilar avtomobillarni ishlatish, taʼmirlash va texnik xizmat koʻrsatish, metallga ishlov berish, qayta tiklanuvchan energiya manbalari, nashriyot-matbaa, tikuvchilik kabi yoʻnalishlar boʻyicha kollejlar huzurida tashkil etilgan kompetensiya markazlari va laboratoriyalari bazalarida amaliy mashgʻulotlarda ishtirok etishmoqda.