BUTUNJAHON TA’LIM FORUMI BO’LIB O’TMOQDA

Maktabgacha va maktab ta’limi vaziri Hilola Umarova boshchiligidagi vazirlik delegatsiyasi Butunjahon ta’lim forumida ishtirok etishmoqda. Forum Buyuk Britaniyaning London shahrida tashkil etilgan bo’lib, unda butun dunyodan ta’lim vazirliklari delegatsiyalari qatnashishmoqda.

Butunjahon ta’lim forumi:

– bugungi kundagi ta’lim sohasida mavjud muammolarga ijobiy yechim topish,
– yuzaga kelgan ta’lim va o‘quv masalalarida firk almashish,
– ta’lim jarayonidagi yangiliklar haqida taqdimotlar o‘tkazish,
– davlatlar tomonidan ta’limning turli xil yo‘nalishlaridagi muvaffaqiyatlar bilan bo’lishish uchun xalqaro maydon hisoblanadi.

Ma’lumot o’rnida, Butunjahon ta’lim forumi an’anaviy tarzda har yili o’tkaziladi hamda ta’lim sohasidagi dunyoning eng nufuzli tadbirlaridan biri hisoblanadi.

Forum 10-maygacha davom etadi.