CHEXIYANING NUFUZLI KARLOV UNIVERSITETI BILAN HAMKORLIK
01.04.2025Termiz davlat universiteti delegatsiyasi Chexiyaning nufuzli Karlov universitetiga tashrifi doirasida ikki oliygoh o‘rtasidagi hamkorlikni yanada rivojlantirish yuzasidan muhim muzokaralar o‘tkazdi.

Uchrashuv chog‘ida ta’kidlanganidek, TerDU va Karlov universitetining professor-o‘qituvchilari so‘nggi 22 yil davomida ilmiy hamkorlik olib borib, arxeologik tadqiqotlar yo‘nalishida samarali natijalarga erishib kelmoqda.
Muloqot davomida Karlov universiteti rahbariyati TerDU bilan ilmiy-ta’lim sohasidagi hamkorlikni kengaytirishdan manfaatdor ekanini bildirdi. Universitet rektori uzoq yillik hamkorlikni yangi bosqichga olib chiqish, qo‘shma loyihalarni amalga oshirish hamda professor-o‘qituvchilar va talabalar almashinuvi dasturlarini kengaytirishga tayyor ekanligini ta’kidladi.

Tashrif yakunida TerDU rektori A. Toshqulov va Karlov universiteti rahbariyati o‘rtasida hamkorlikni mustahkamlash hamda universitetni TOP-1000 reytingiga kiritishga ko‘maklashish bo‘yicha rasmiy kelishuv hujjati imzolandi.
No Comments so far
Jump into a conversationNo Comments Yet!
You can be the one to start a conversation.