IORDANIYA BILAN OLIY TA’LIM VA ILMIY TADQIQOTLAR SOHASIDA HAMKORLIK TO‘G‘RISIDA BITIM IMZOLANDI

Samarqand shahrida bo‘lib o‘tgan samarali muzokaralar yakunida O‘zbekiston Respublikasi Prezidenti Shavkat Mirziyoyev va Iordaniya Hoshimiylar Podshohligi Podshohi Abdulla II ibn al-Husayn Sheriklik munosabatlarini mustahkamlash to‘g‘risida qo‘shma bayonot qabul qildilar.

Umuman, tashrif doirasida 15 ta ikki tomonlama hujjat imzolandi.

O‘zbekiston Respublikasi Prezidenti Shavkat Mirziyoyev Iordaniyaning oliy mukofoti — “An-Nahda” (“Renessans”) ordeni bilan mukofotlandi.

Oliy mukofotini davlatimiz rahbariga Iordaniya Hoshimiylar Podshohligi Podshohi Abdulla II ibn al-Husayn shaxsan topshirdi.