KOICA LOYIHASI DOIRASIDA XALQARO UCHRASHUV BO‘LIB O‘TDI

Is’hoqxon Ibrat nomidagi Namangan davlat chet tillari institutiga KOICA (Korea International Cooperation Agency) loyihasi doirasida mas’ul vakillar tashrif buyurdi.

Tashrif davomida KOICA vakillari — Yun Jin Kyung, Hong Seungjoo, Xojiyeva Sadoqat, shuningdek volontyorlar masalasi bo‘yicha Lee Yoobin va Saidov Islombek bilan o‘zaro muzokaralar olib borildi.

Uchrashuvda koreys tili adabiyoti va IT yo‘nalishlari bo‘yicha institutga ko‘ngilli mutaxassislarni jalb etish istiqbollari muhokama qilindi. Bu tashabbus ta’lim sifatini oshirish, talabalarni xalqaro me’yorlar asosida tayyorlash va madaniy almashinuvni kengaytirishga xizmat qilishi kutilmoqda.