MARKAZIY OSIYODA INKLYUZIV TIL O‘QITILISHIGA BAG’ISHLANGAN KONFERENSIYA BO‘LIB O‘TDI

Kuni kecha, Toshkentdagi Westminster xalqaro universitetida “Markaziy Osiyoda inklyuziv til o‘qitish: imkoniyatlar, tajribalar va muammolar” mavzusida xalqaro konferensiya bo‘lib o‘tdi. Tadbirda xalqaro tashkilotlar, universitet vakillari va ekspertlar ishtirok etdi.

Konferensiyada boshqa oliy ta’lim muassasalari qatorida Toshkent davlat sharqshunoslik universiteti vakillari ishtirok etdilar. Ular inklyuziv ta’lim tamoyillarini oliy ta’lim tizimiga tatbiq etish, talabalar uchun teng imkoniyatlar yaratish va universitetda gender tenglik hamda til ta’limidagi inklyuzivlikni rivojlantirish masalalari yuzasidan fikr almashdilar.