OʻZBEKISTONNING 22 TA OLIY TAʼLIM TASHKILOTI OSIYONING ENG YAXSHI UNIVERSITETLARI REYTINGIDAN JOY OLDI

QS Quacquarelli Symonds agentligi Osiyoning eng yaxshi universitetlari – QS Asia University Rankings 2026 ro‘yxatini e’lon qildi. Unda O‘zbekistonning 22 ta oliy ta’lim muassasasi o‘z o‘rniga ega bo‘ldi. Shundan 8 ta universitet o‘tgan yilgi natijalariga nisbatan reytingdagi pozitsiyasini yaxshilagan.

Bu yutuq mamlakatimiz oliy ta’lim tizimida amalga oshirilayotgan chuqur islohotlar, ta’lim sifatini oshirish va xalqaro hamkorlikni kengaytirish borasidagi izchil sa’y-harakatlarning amaliy natijasidir.

Ma’lumot uchun, ushbu reytingda Osiyoning 25 mamlakat va hududidan 1500 dan ortiq universitet baholangan bo‘lib, ularning 557 tasi ro‘yxatga ilk bor kiritilgan. Reyting ilmiy salohiyat, xalqaro obro‘, bitiruvchilarning bandlik darajasi, ta’lim sifati va xalqaro hamkorlik faoliyati kabi mezonlar asosida shakllantirilgan.

QS Asia University Rankings 2026’da Oʻzbekiston OTMlari natijalari: