O‘ZBEKISTON DAVLAT JAHON TILLARI UNIVERSITETIDA  BRAZILIYANING KAMPINAS UNIVERSITETI VAKILI BILAN ONLINE  MULOQOT BO‘LIB O‘TDI

O‘zbekiston davlat jahon tillari universitetida Braziliyaning Kampinas Universiteti dotsenti Simone Tiemme bilan online muloqot bo‘lib o‘tdi.

Uchrashuvda yangi o‘quv yili, ya’ni sentyabr oyidan O‘zDJTUga portugal tili bo‘yicha dars berish uchun tashrif buyuradigan braziliyalik mutaxassis bilan ta’lim jarayonini tashkil qilish, o‘quv reja va dasturlarni ishlab chiqish, mashg‘ulotlarning o‘quv-uslubiy ta’minoti kabi masalalar muhokama qilindi.

Shu bilan birga, portugal tili bo‘yicha mutaxassislar tayyorlash borasida hamkorlik qilish, xususan, O‘zDJTUning ispan tili o‘qituvchisining Kampinas Universitetida portugal tili bo‘yicha maxsus  kurslarda o‘qitilishi va sertifikatlanishi masalalari ko‘rib chiqildi.