Oliy taʼlim, fan va innovatsiyalar vazirligida Oʻzbekiston davlat jahon tillari universiteti va XXR Liaodong universiteti oʻrtasida Memorandum imzolash marosimi tashkil etildi.

Imzolangan hujjatga ko’ra, tomonlar:

➡️ Malaka oshirish, stajirovka oʻtash, birgalikda ilmiy tadqiqotlar oʻtkazish maqsadida oʻqituvchilar va ilmiy tadqiqotchilar almashinuvi;

➡️ Til bilimlarini oshirish maqsadida talabalar almashinuvi, yoshlar forumlari va tanlovlarida ishtirok etish, shuningdek, ikki mamlakat xalqlari madaniyati va anʼanalari bilan tanishish maqsadida qishki va yozgi maktablarini tashkil etish;

➡️ Xitoy va boshqa xorijiy tillarni oʻrganish boʻyicha dolzarb mavzular boʻyicha xalqaro konferensiyalar, forumlar, seminarlarda oʻqituvchi va olimlarni ishtirok etishini tashkil etish kabi yo’nalishlarda faol hamkorlik qiladilar.