QIRG’IZ-TURK MANAS UNIVERSITETI TALABALARI AMALIYOTLARDA ISHTIROK ETISH UCHUN O’ZBEKISTONGA TASHRIF BUYURISHDI

Namangan davlat universiteti va Qirgʻiziston Respublikasi Qirgʻiz-Turk Manas universiteti oʻrtasida tuzilgan memorandum doirasida Ijtimoiy fanlar fakultetiga 14 nafar magistr, doktorant va talabalar ilmiy rahbarlari bilan birgalikda, arxeologik amaliyotlarda ishtirok etish uchun kelishdi.

Ushbu tashrif ikki universitet oʻrtasida ilmiy va madaniy hamkorlikni mustahkamlash, talabalar uchun yangi tajribalar va bilimlar olish imkoniyatini yaratish maqsadida amalga oshirilmoqda. Arxeologik amaliyotlar davomida talabalar qadimiy tariximizning sirlarini oʻrganish bilan birga, amaliy koʻnikmalarga ega boʻlishadi.

Ishtirok etayotgan talabalar oʻz bilim va koʻnikmalarini territorial tadqiqotlarda, qazish ishlari va tarixiy obyektlarni oʻrganishda qoʻllaydi. Bu jarayon nafaqat arxeologiya, balki madaniyat va tarix sohalariga ham oʻz hissasini qoʻshadi.

Hamkorlik doirasida talabalar va ilmiy rahbarlar oʻrtasida tajriba almashinuvi ham amalga oshiriladi. Shuningdek, Qirgʻizistonning madaniy merosini oʻrganish orqali, ikki davlat oʻrtasida aloqalarni rivojlantirishga qaratilgan tadbirlar tashkil etiladi.

Ushbu arxeologik amaliyotlar tajribasi kelajakda talabalar uchun katta imkoniyatlar ochadi va ularning professional rivojlanishiga xizmat qiladi.