QO‘NG‘IROTBOY SHARIPOV LATVIYADA O‘ZBEKISTONLIK TALABALAR BILAN UCHRASHDI

Riga shahrida tashkil etilgan O‘zbekiston–Latviya birinchi ta’lim forumi doirasida Oliy ta’lim, fan va innovatsiyalar vaziri Qo‘ng‘irotboy Sharipov Latviyada tahsil olayotgan o‘zbekistonlik talabalar bilan ochiq muloqot qildi.

Suhbat davomida yoshlarning muammolari va takliflari tinglanib, “Zakovat” intellektual o‘yinlarini Latviyada tashkil etish, yoshlarni qo‘llab-quvvatlash va ularning huquq hamda manfaatlarini himoya qilish kabi tashabbuslar ilgari surildi.

Shuningdek, vazir yoshlarning ilm-fan va innovatsiyalar sohasidagi faolligi, xalqaro dasturlarda qatnashish imkoniyatlari hamda Vatan taraqqiyotiga qo‘shadigan hissasiga alohida e’tibor qaratdi.