Samarqand davlat  chet tillar institutining   boʻlajak fransuz tili  oʻqituvchilari oʻzlarining  pedagogik  amaliyot  jarayonini muvaffaqiyatli  va  kasbiy  mahorat  sohasidagi  cheksiz  ta’ssurotlari ila yakunladilar.  Oʻquv  yilining yarmi davomida  tashkil  etilgan  ushbu  pedagogik  amaliyot  boʻlgʻusi  fransuz  tili mutaxassislarini akademik litsey, umumta’lim  maktablari hamda maktabgacha  ta’lim  muassasalarida   faoliyat  olib borishlari uchun har  tomonlama  samarali va  foydali tarzda  olib borilganligini  alohida  ta’kidlash  lozim.

Institutning Roman-german tillari fakultetiga  qarashli   Fransuz  filologiyasi  kafedrasi  bitiruvchilari besh oy davom etgan mas’uliyatli jarayonda  nafaqat kasbiy  va pedagogik  mahoratlarini  shakllantirdi, balki, ustozlardan  olgan bilimlarini real  hayotga  tatbiq  etish  orqali  oʻzlariga boʻlgan  qat’iy  ishonchni  his  qildilar.

Darhaqiqat, amaliyotchi  talabalarning  respublikamiz   viloyatlari  boʻylab fransuz tilini oʻqitish  ishlarida  oʻz hissalarini qoʻshganliklari maqtovga loyiq. Xususan, Fransuz  filologiyasi kafedrasi  professor-oʻqituvchilarining  fransuz tilini oʻqitish metodikasi bo’yicha bergan saboqlari amaliyotchilar tomonidan respublikamizning  Qashqadaryo, Surxondaryo,  Xorazm, Fargʻona, Andijon, Namangan va boshqa viloyatlarning chekka  tumanlaridagi umumiy oʻrta ta’lim  maktablarida  samarali tarzda keng  joriy  etilganligi bizni quvontirdi.  Binobarin, amaliyotchi  talabalar  tashabbusi bilan  maktablarda  “Fransuz tili” boʻyicha oʻtkazilgan turli tanlovlar, madaniy  tadbirlar va ochiq  darslarning  juda katta ishtiyoq  bilan  tashkil  etilishi hamda  talabalarning kreativligi asosida ilgʻor  pedagogik texnologiyalar orqali oʻquvchilarni fransuz tiliga boʻlgan qiziqishlarini yanada oshirishi ularning “MOHIR PEDAGOG” sifatida shakllanishiga  ham amaliy, ham nazariy  jihatdan yordam  berdi. Boshqacha  qilib  aytganda, oliy  ta’limdagi nazariy  va amaliy  bilimlar  integrasiyasining  amaldagi aksi  namunali  tarzda  boʻlajak  fransuz tili oʻqituvchilari  misolida  yaqqol  namoyon boʻldi.

Pedagogik amaliyotning yakuniy hisobot  jarayonida besh  oylik amaliyot  davomidagi  jonbozligi va koʻrsatgan  pedagogik  mahoratlariga  koʻra  eng faol talabalar  quyidagi  nominasiyalar asosida e’tirof  etildi va taqdirlandi:

1.Xorazm viloyati, Yangibozor tumani 19-maktabda   amalyot   oʻtagan talaba Sheribova Sarvinoz “ENG  ZUKKO  AMALIYOTCHI” nominatsiyasi  sohibi;

2.Qashqadaryo viloyati, Shahrisabz tumani 29-IDUMda  pedagogik    amalyot   oʻtagan talaba Turobova  Noila “MOHIR  PEDAGOGIK  QOBILIYAT  SOHIBI” nominatsiyasi  sohibi;

3.Namangan viloyati, To’raqo’rg’on tumani 40-maktabda   amalyot   oʻtagan talaba Xujamurodova  Shoxsanamxon “ENG  FAOL  AMALIYOTCHI” nominatsiyasi  sohibi;

4.Surxandaryo viloyati, Izboshi tumani 57-IDUMda  amalyot   oʻtagan talaba Sherqobilova  Mohinur “ENG  MAHORATLI  AMALIYOTCHI”  nominatsiyasi  sohibi;

5.Xorazm viloyati, Qo’shko’pir tumani 31-maktabda   amalyot   oʻtagan talaba Rajabboyeva  Charosxon “ENG  INTIZOMLI  AMALIYOTCHI”  nominatsiyasi  sohibi; 

6.Farg’ona viloyati, Oltariq tumani 14-maktabda   amalyot   oʻtagan talaba Xomidjonova Madinabonu “ENG  IZLANUVCHAN  AMALIYOTCHI” nominatsiyasi  sohibi sifatida  taqdirlandi.

 Mazkur amaliyotni tashkil  etishda amaliy  yordam  bergan respublikamizning umumiy oʻrta ta’lim  maktablariga, institut rahbariyatiga, “Ofis Registrator” mas’ullariga, fakultet dekanatiga va Fransuz filologiyasi kafedrasi jamoasiga  amaliyotchi  talabalar  va Fransuz  filologiyasi kafedrasi  jamoasi  nomidan oʻz minnatdorchiligimizni  bildiramiz.

SamDCHTI Fransuz  filologiyasi  kafedrasi dotsenti
Suvonova Nigorabonu Nizomiddinovna