SHVETSARIYADA “O‘ZBEKISTON: BEBAHO MADANIY MEROS” MAVZUSIDA MA’NAVIY-MA’RIFIY TADBIR TASHKIL ETILDI

Termiz davlat universiteti delegatsiyasi a’zolari Shvetsariyada  “O‘zbekiston: bebaho madaniy meros” mavzusida ma’naviy-ma’rifiy tadbir tashkil etishdi.

Ma’lumki, joriy yilda YUNЕSKO Bosh konferensiyasining 43-sessiyasi Samarqand shahrida bo’lib o’tadi. Ushbu tadbirni yuqori saviyada tashkil etish va targ‘ib qilish ishlariga respublikamizdagi qator oliy ta’lim muassasalari ham jalb etilgan.

Shunga asosan, TerDU  delegatsiyasi  Shvetsariyaning Jeneva shahrida joylashgan Jeneva xalqaro munosabatlar va taraqqiyot instituti (Geneva Graduate Institute) hamda Lozanna universiteti  professor-o‘qituvchilariga yurtimizning o‘ziga xos jihatlarini videoroliklar hamda ko‘rgazmalar orqali targ‘ib qilishdi.

«O’zbekistonning boy tarixi, Samarqand afsonalari haqida tarixiy manbalarga duch kelganman. Ushbu tashrifingizdan keyin albatta sizning yurtingizga borishni reja qildim», – deydi mezbon oliygoh professori David Rodogno.

Ma‘lumot o‘rnida, ma’naviy-ma’rifiy tadbir mazkur ta’lim dargohidan tashqari O‘zbekiston Respublikasining Jeneva shahrida joylashgan BMT vakolatxonasi va boshqa xalqaro tashkilotlar huzuridagi Doimiy vakolatxonasida ham tashkil etildi.

Taomilga ko‘ra, tadbir ishtirokchilariga milliy qadriyatlarimiz namunalari sovg‘a qilindi.