TALABALAR AQSHDA STAJIROVKA O‘TAMOQDA

Urganch davlat pedagogika instituti Filologiya va tarix fakulteti talabasi M. Matkarimova «Study of the US Institutes for Young Women Leaders» – Ayol-qiz talabalar uchun mo‘ljallangan, AQSHda bo‘lib o‘tayotgan 5 haftalik yetakchilik dasturida ishtirok etmoqda, – deb xabar bermoqda UrDPI matbuot xizmati.

Talaba Islom Karimov nomli davlat stipendiyasi hamda xalqaro IELTS C1 va TEFL sertifikati sohibasi, 30 dan ortiq maqola va tezislar muallifi, O‘zbekiston Respublikasi Adliya vazirligining ro‘yxatidan o‘tgan 6 ta guvohnoma muallifi.

Ma’lumot uchun, dasturga respublikamizdagi 8000 nafar talabgorlar ichidan 4 nafar eng iqtidorli qizlar saralab olindi va AQShga yuborildi.

Dastur ma’ruzalar, seminarlar, taqdimot, munozara va boshqa mashg‘ulotlardan iborat bo‘ladi.