ACCA VA IELTS IMTIHON MARKAZI YANA BITTAGA KO`PAYDI

Toshkent shahridagi Singapur menejmentni rivojlantirish institutida (TSMRI) va «British Council» o’rtasida hamkorlik va o’zaro anglashuv memorandumi imzolandi.

TSMRI rektori doktor Ilhom Mamatqulov va «British Council» ning O’zbekistondagi direktori Denise Waddingham boshchiligida bo’lib o’tgan uchrashuvda TSMRI rasmiy ravishda IELTS ro’yxatga olish markazi hamda ACCA va IELTS test hamkoriga aylandi. Bu esa o’z navbatida institut talabalari va xodimlari uchun bir qator imtiyozlarni taqdim etadi. Shuningdek, 2024-yilning bahoridan boshlab TSMRI kampusida ACCA va IELTS imtihonlarini o’tkazilishiga kelishildi.