ADU PROFESSORI ANQARA GAZI UNIVERSITETIDA MA’RUZA MASHG’ULOTLARINI OLIB BORDI

Xalqaro hamkorlik doirasida Andijon davlat universiteti O’zbek tili va adabiyoti kafedrasi mudiri, professor Muqaddasxon Tojiboyeva hamda tayanch doktorant Jamoldin Yoqubovlar Turkiyaning Anqara Gazi universitetida bo’ldilar.

Tashrif doirasida professor M.Tojiboyeva universitetning Turkcha va ijtimoiy bilimlar taʼlimi boʻlimining 4-bosqich talabalariga “Oʻzbek va turk adabiyoti: adabiy taʼsir va adabiy aloqalar” mavzusida maʼruza mashg’ulotlarini olib bordi.

Shuningdek, ikki oliy ta’lim muassasalarining professor-o’qituvchilari o’rtasida uchrashuv tashkil etilib, oliygohlar o’rtasidagi hamkorlikni yanada rivojlantirish borasida istiqboldagi amalga oshirilishi lozim bo’lgan ishlar belgilab olindi.