AQSHNING O’ZBEKISTONDAGI ELCHIXONASI TANLOV E’LON QILMOQDA

Amerika Qo’shma Shtatlarining O’zbekistondagi elchixonasi 2020-yilda madaniy boyliklarni muhofaza qilish elchisining (AFCP) fondi doirasida grant olish uchun tanlov e’lon qiladi.

Arizalarni topshirishning oxirgi muddati – 2019 yil 29 noyabr.

Madaniy boyliklarni himoya qilish bo’yicha elchi jamg’armasi tarixiy joylarni, qadimiy buyumlar, qo’lyozmalar va muzey kolleksiyalarini, shuningdek, musiqa, raqs va til kabi an’anaviy ifoda shakllarini saqlab qolish uchun grantlar beradi. Elchi jamg’armasi O’zbekistonda madaniy boyliklarni asrab-avaylash bo’yicha o’n uchta yirik loyihani qo’llab-quvvatlash uchun qariyb 500 ming AQSh dollari miqdorida mablag ‘ ajratdi.

Madaniy boyliklarni muhofaza qilish bo’yicha elchi jamg’armasi dasturi doirasida ajratiladigan mablag’lar miqdori yodgorlik, tarixiy obyekt yoki saqlanishi kerak bo’lgan ifodalashning an’anaviy shakli, shuningdek, xavfsizlik tadbirlarini o’tkazishning dolzarbligiga bog’liq. Davlat idoralari, madaniy tashkilotlar, ta’lim muassasalari, nodavlat tashkilotlar va xususiy shaxslar grant olish huquqiga ega.

Dastur quyidagi uchta sohada madaniy merosni saqlash loyihalarini qo’llab-quvvatlaydi:

• madaniy meros obyektlari;
• muzeylar, madaniy meros obyektlari yoki shunga o’xshash muassasalardan olingan madaniy buyumlar va kolleksiyalar, arxeologik va etnografik eksponatlar, rasmlar, haykaltaroshlar, qo’lyozmalar va ta’mirlashga muhtoj bo’lgan boshqa muzey ashyolari;
• an’anaviy san’at shakllari – an’anaviy musiqa, mahalliy tillar va qo’l san’ati kabi.

 Qo’shimcha ma’lumot olish uchun: http://exchanges.state.gov/heritage/afcp.html.