Fransiyaning O‘zbekistondagi elchixonasi O‘zbekiston oliy ta’lim muassasalarida ta’lim beradigan fransuz tili o‘qituvchilariga 15 ta FLE stipendiyalarini taklif etadi.

Stipendiya sohiblari 2024-yilning 15-26-iyul kunlari Bordo shahrida bo‘lib o‘tadigan «BELC 2024» yozgi maktabida ishtirok etadilar.

BELC – butun dunyo mamlakatlaridagi fransuz tili mutaxassislari uchun tashkil etiladigan intensiv seminar trening.

Stipendiya nomzodlariga qo‘yiladigan talablar:

• Oʻzbekiston oliy taʼlim muassasasida fransuz tili yoki xorijiy tillar kafedrasida toʻliq stavkada fransuz tilidan dars berish;
• Kamida 3 yillik pedagogik ish stajiga ega bo‘lish;
• Kamida B2 darajasiga ega bo‘lish (faqat DELF/DALF diplomlari yoki to‘liq TCF qabul qilinadi).

Ro‘yxatdan o‘tishning oxirgi muddati 2024-yil 10-may.

Tanlov ro‘yxatdan o‘tish paytida taqdim etilgan hujjatlar asosida amalga oshiriladi.

Ro’yxatdan o’tish uchun havola.