«BOBURNOMA» ASARI ARAB TILIDA QAYTA CHOP ETILDI

O’zbekistonning Misrdagi elchixonasi tashabbusi bilan Zahiriddin Muhammad Boburning mashhur «Boburnoma» asari arab tilida qayta chop etildi.

Kitob qattiq muqovada, yuqori sifatli sarg’ish qog’ozda 1000 nusxada Yaqin Sharq mintaqasidagi eng yirik «Dor ul-Ma’orif» noshirlik korxonasi tomonidan chop etildi.

Hamyurtlarimizning mazkur asar tarjimasi bilan bevosita tanishishlari uchun kitoblar «Bobur» nomidagi xalqaro jamoat fondi, O’zbekiston Milliy kutubxonasi, O’zbekiston xalqaro islom akademiyasi, Toshkent davlat sharqshunoslik universiteti, Jahon iqtisodiyoti va diplomatiya universitetiga taqdim etiladi.