2019 yilning 9 yanvarida Fransiyaning Serji-Pontuaz universitetining xalqaro aloqalar bo‘limi boshlig‘i Lyuk Del Armellina, fransuz tili mutaxassislari Loran Aleksandr va Per Moynarlardan iborat delegatsiya O‘zDJTUga tashrif buyurdi.
![](https://fledu.uz/wp-content/uploads/2019/04/Picture2-768x431.jpg)
Tashrif davomida fransiyalik vakillar universitetning axborot-resurs markazi faoliyati bilan tanishdi, O‘zbekiston davlat jahon tillari universiteti qoshidagi Chet tillarni o‘qitishning innovatsion metodlarini rivojlantirish ilmiy-amaliy markazi (Innovatsion markaz) direktori U.Azizov bilan uchrashdi.
Shuningdek, tashrif chog‘ida fransiyalik vakillarning O‘zDJTU rektori G‘.Raximov bilan rasmiy uchrashuvi ham bo‘lib o‘tdi.
![](https://fledu.uz/wp-content/uploads/2019/04/Picture1-768x417.jpg)
Suhbat davomida tomonlar O‘zbekiston Respublikasi Prezidentining Fransiyaga tashrifi hamda istiqboldagi hamkorlik masalalarini muhokama qildilar. Jumladan, O‘zDJTUda fransuz tilio‘qituvchilarini tayyorlash bo‘yicha Serji-Pontuaz universitetining filialini tashkil qilish masalasi ko‘rib chiqildi.
No Comments so far
Jump into a conversationNo Comments Yet!
You can be the one to start a conversation.