GERMANIYALIK HAMKORLAR ISHTIROKIDA YANGI O‘ZBEK-NEMIS FAKULTETI OCHILDI

Nizomiy nomidagi Toshkent davlat pedagogika universitetida yangi O‘zbek-Nemis fakultetining ochilish marosimi bo‘lib o‘tdi.

Ushbu tadbirning ochilishida Germaniyaning O‘zbekistondagi elchisi Manfred Xuterer, O‘zbekiston Respublikasining Germaniyadagi faxriy konsuli Angela Papenburg, O‘zbekistondagi Gyote instituti vakillari, Maktabgacha va maktab ta’limi, Oliy ta’lim, fan va innovatsiyalar, kambag‘allikni qisqartirish va bandlik vazirliklari va ko‘plab xalqaro tashkilot ishtirok etdi.

Ushbu hamkorlik loyihasi o‘qitish va sifatning ilg‘or Germaniya standartlariga muvofiq yangi o‘quv dasturlarini ishlab chiqishga qaratilgan.

Tashabbus keng ko‘lamli ta’lim dasturlarini, jumladan, o‘qituvchilar malakasini oshirish dasturlarini qamrab oladi va Germaniyaning taniqli universitetlari bilan yaqindan hamkorlik qilishga qaratilgan.