ILG‘OR MUHANDISLIK MAKTABLARINI TASHKIL ETISHDA ROSSIYA TAJRIBASI O‘RGANILDI

Rossiya Federatsiyasida ilg‘or muhandislik maktablari tashkil etilishi tajribasini o‘rganish hamda ularni O‘zbekistonning turdosh oliygohlarida birgalikda tashkil qilish bo‘yicha yangi qo‘shma loyihalarni ishlab chiqish maqsadida so‘nggi ikki kun davomida O‘zbekiston Respublikasi Oliy ta’lim, fan va innovatsiyalar vazirligi va bir qator muhandislik oliygohlari rahbariyati vakillari Moskva shahrida xizmat safarida bo‘lib qaytdilar.

Safar davomida muhandislik sohasida Rossiyaning ilg‘or oliy ta’lim muassasalari – N. E. Bauman nomidagi Moskva davlat texnika universiteti, D.I.Mendeleyev nomidagi Rossiya kimyo-texnologiya universiteti va “MIFI” milliy tadqiqot yadro universitetiga tashrif buyurildi, shuningdek Rossiya Federatsiyasi fan va oliy ta’lim vazirio‘rinbosari K.Mogilevskiy bilan ikki tomon oliy ta’lim vazirliklari o‘rtasida rasmiy muzokaralar o‘tkazildi.