«JAPAN’S GRANT ASSISTANCE PROJECTS» DOIRASIDA GRANT SHARTNOMALARINI IMZOLASH MAROSIMI BO‘LIB O‘TDI

2020-yilning 4-mart kuni Toshkentdagi Xalqaro biznes markazida Yaponiyaning O‘zbekistondagi Favqulodda va Muxtor elchisi janob Yoshinori FUJIYAMA «Japan’s Grant Assistance Projects» loyihalari doirasida 9 ta grant shartnomasini imzoladi.

Ular orasida O‘zbekiston davlat jahon tillari universiteti rektori, professor G‘anisher Raximov ham yapon tili va ta’limini takomillashtirish loyihasi bo‘yicha grantga imzo chekdi.

Shuni alohida ta’kidlash zarurki, 1995-yildan boshlab ushbu dastur doirasida ta’lim va tibbiyot muassasalari, O‘zbekistondagi nodavlat notijorat tashkilotlari 400 ga yaqin loyihani amalga oshirdilar.