Toshkentda Markaziy Osiyo jurnalistlarining anjumani o‘tkazildi. Ishtirokchilar O‘zbekiston OAVlari faoliyati bilan tanishishdi, tajriba almashib, aloqalar o‘rnatishdi.
![](https://fledu.uz/wp-content/uploads/2024/08/photo_2024-08-23_11-30-22-1024x683.jpg)
Tadbir doirasida «Markaziy Osiyo ovozi: milliy makondan mintaqaviy makon sari» mavzusida davra suhbati bo‘lib o‘tdi, bu yerda mintaqadagi OAV vakillari faol ravishda fikr-mulohazalar almashdilar va o‘zbekistonlik hamkasblarimiz bilan dostona aloqalar o‘rnatdilar.
Tadbir davomida ekspertlar Markaziy Osiyo media maydonidagi hamkorlikning dolzarb masalalarini muhokama qildilar. Forum O‘zbekiston Prezidenti Shavkat Mirziyoyevning Ostonada bo‘lib o‘tgan Markaziy Osiyo davlatlari rahbarlari maslahat uchrashuvida ilgari surgan tashabbusi doirasida tashkil etildi.
![](https://fledu.uz/wp-content/uploads/2024/08/photo_2024-08-23_11-30-20-1024x683.jpg)
![](https://fledu.uz/wp-content/uploads/2024/08/photo_2024-08-23_11-30-21-1024x683.jpg)
![](https://fledu.uz/wp-content/uploads/2024/08/photo_2024-08-23_11-30-23-1024x683.jpg)
Tashkilotchilar «SHHT xalq diplomatiyasi markazi», O‘zbekiston Jurnalistlar uyushmasi, O‘zbekiston Milliy media birlashmasi va O‘zbekiston jurnalistika va ommaviy kommunikatsiyalar universiteti bo‘ldi. Anjuman doirasida O‘zbekiston jurnalistika va ommaviy kommunikatsiyalar universiteti rektori professor Sherzodxon Qudratxo‘ja va prorektor Nozima Muratova chiqish qildilar. Ularning ma’ruzalarida SHHT mamlakatlari o‘rtasidagi aloqalarni mustahkamlash va mintaqa jurnalistlarining yosh avlodini yanada yaqinroq birlashtirish zarurligi qayd etildi.
Bunday platformalar Markaziy Osiyoda aloqalarni mustahkamlashga va yagona axborot makonini shakllantirishga yordam beradi, bu esa xalqlarimiz o‘rtasidagi o‘zaro anglashuv va umumiy qadriyatlarni ilgari surishda muhim ahamiyat kasb etadi.
No Comments so far
Jump into a conversationNo Comments Yet!
You can be the one to start a conversation.