Fransiya delegatsiyasi a’zolari O’zbekiston davlat jahon tillari universitetiga tashrif buyurdi.

Ular avval universitet binolari va talabalar uchun yaratilgan sharoitlar, o’quv laboratoriyalari, axborot resurs markazi faoliyati va sohaga oid o’quv-uslubiy adabiyotlar bilan tanishdi.

O’zDJTU rektori mehmonlarni kutib olib, ular bilan universitetda ta’lim sifatini ta’minlash hamda o’quv jarayonini takomillashtirish borasida muloqot o’tkazdi.

Fransiyalik mutaxassislar hamda O’zDJTU rahbar-xodimlari va professor-o’qituvchilaridan iborat ishchi guruh O’zbekiston Respublikasida qabul qilingan ta’lim standartlari, ta’lim yo’nalishlari va mutaxassisliklari, o’quv reja va dasturlari hamda malaka talablari borasida o’zaro fikr almashdilar. Shuningdek, tashkil etilishi rejalashtirilayotgan O’zbekiston-Fransiya universiteti faoliyati bo’yicha istiqboldagi hamkorlik masalalari muhokama qilindi.

Muzokaralar yakunida Fransiyaning Puate universiteti bilan Hamkorlik memorandumi imzolandi.