O’ZDJTU TOJIKISTONNING QATOR OTMLARI BILAN SHARTNOMA IMZOLADI
16.04.2024O’zbekiston davlat jahon tillari universiteti Tojikiston Respublikasining bir qator nufuzli universitetlari bilan Hamkorlik shartnomalari imzoladi.
![](https://fledu.uz/wp-content/uploads/2024/04/photo_2024-04-15_20-43-49-1024x682.jpg)
15-aprel kuni Oʻzbekiston–Tojikiston oliy taʼlim muassasalari rektorlarining II forumi doirasida O’zDJTU rektori I.Tuxtasinov va quyidagi 5 ta Tojikiston oliy ta’lim muassasalari rektorlari bilan ta’lim, fan va madaniyat sohasida o’zaro manfaatli hamkorlikni yo’lga qo’yish va rivojlantirish bo’yicha uchrashuvlar tashkil etildi:
– Tojikiston xalqaro chet tillari universiteti;
– S.Ayniy nomidagio Tojikiston davlat pedagogika universiteti;
– Ho’janda davlat universiteti;
– Tojikiston davlat huquq, biznes va siyosat universiteti;
– Abuabdullo Rudakiy nomidagi Koʻlob davlat universiteti.
![](https://fledu.uz/wp-content/uploads/2024/04/photo_2024-04-15_20-43-36-1024x682.jpg)
![](https://fledu.uz/wp-content/uploads/2024/04/photo_2024-04-15_20-43-42-1024x682.jpg)
![](https://fledu.uz/wp-content/uploads/2024/04/photo_2024-04-15_20-43-44-1024x682.jpg)
![](https://fledu.uz/wp-content/uploads/2024/04/photo_2024-04-15_20-43-46-1024x682.jpg)
![](https://fledu.uz/wp-content/uploads/2024/04/photo_2024-04-15_20-43-48-1024x682.jpg)
Uchrashuvdan ko’zlangan maqsad, ikki qardosh mamlakat xalqlari o’rtasida do’stona aloqalarni mustahkamlash, ta’lim va fanning turli sohalarida o’zaro hamkorlikni rivojlantirishdan iborat.
Tadbir davomida ta’lim, fundamental va ilmiy-amaliy loyihalarni amalga oshirish maqsadida o’qituvchilar va ilmiy tadqiqotchilar almashinuvi, amaliyot, stajirovka, kutubxona fondlarida va tomonlarning axborot-resurs markazlarida mavjud bo’lgan ilmiy nashrlar, o’quv-uslubiy va ilmiy adabiyotlar, audiovizual va boshqa materiallar almashinuvi kabi sohalarda hamkorlik qilish masalalari bo’yicha manfaatli kelishuvlarga erishildi.
![](https://fledu.uz/wp-content/uploads/2024/04/photo_2024-04-15_20-43-35-1024x682.jpg)
![](https://fledu.uz/wp-content/uploads/2024/04/photo_2024-04-15_20-43-36-1-1024x682.jpg)
![](https://fledu.uz/wp-content/uploads/2024/04/photo_2024-04-15_11-31-31-3-1-1024x575.jpg)