Bugun, 18-oktyabr kuni O’zbekiston davlat jahon tillari universitetiga Toshkentdagi Hindiston Madaniyat markazi direktori Chandra Shekxar tashrif buyurdi.
![](https://fledu.uz/wp-content/uploads/2019/10/img_4232-1-1024x683.jpg)
Hindiston Madaniyat markazi direktori O’zDJTU rektori rahbarligidagi universitet vakillari bilan uchrashdi.
![](https://fledu.uz/wp-content/uploads/2019/10/img_4234-1024x683.jpg)
Rasmiy uchrashuv davomida tomonlar sohaga oid bir qancha masalalarni muhokama qildilar.
![](https://fledu.uz/wp-content/uploads/2019/10/img_4239-1024x683.jpg)
- Hindistonning yetakchi OTMlari bilan turli sohalarda, jumladan, almashinuv dasturlarini amalga oshirish, qo‘shma ta’lim dasturlarini yo‘lga qo‘yish bo‘yicha hamkorlik aloqalarini o‘rnatish;
- O‘zDJTU xodim va professor-o‘qituvchilarini Hindistonning nufuzli universitetlariga malaka oshirish va stajirovka o‘tash uchun yuborish;
- O‘zDJTUga hind tili o‘qituvchisini taklif qilish, jurnalistika, AKT va boshqa yo‘nalishlar bo‘yicha ma’ruzalar o‘qish va amaliy mashg‘ulotlar olib borish uchun mutaxassislarni 3 oygacha bo‘lgan muddatga taklif qilish;
- hamkorlikda xalqaro konferensiya va seminarlar tashkil qilish, ularda ishtirok etish uchun taraflar vakillarini taklif qilish;
- O‘zDJTUda Hind tili markazini tashkil qilish, hind tili, adabiyoti va madaniyati bo‘yicha o‘quv adabiyotlari hamda texnik jihozlar va kompyuter dasturlarini olish;
- Xalqaro jurnalistika fakultetida tashkil qilinadigan tele-radio studiyalar uchun zamonaviy jihozlar olish, nashriyot va distansion ta’lim uchun zamonaviy jihozlar olish masalalari shular jumlasidandir.
![](https://fledu.uz/wp-content/uploads/2019/10/img_4221-1024x683.jpg)
![](https://fledu.uz/wp-content/uploads/2019/10/photo_2019-10-18_21-10-38-1024x768.jpg)
No Comments so far
Jump into a conversationNo Comments Yet!
You can be the one to start a conversation.