TOSHKENT SHAHRIDAGI VEBSTER UNIVERSITETI ILK BITIRUVCHILARIGA SERTIFIKATLAR TANTANALI TOPSHIRILDI

O‘zbekistondagi ilk akkreditatsiyadan o‘tgan Amerika universiteti – Vebster universiteti birinchi bakalavrlarni kuzatish marosimini o’tkazdi. Marosimda ishtirok etish uchun Vebster universiteti prezidenti va AQShning Toshkentdagi elchisi tashrif buyurdi.

20 may kuni Alisher Navoiy nomidagi kino saroyining katta zali O‘zbekistondagi ilk akkreditatsiyadan o‘tgan Amerika universiteti – Vebster universitetining mehmonlari, ota-onalari va hamkorlari bilan to‘ldi.

Bakalavriat va magistratura bosqichidagi talabalarning bitiruv marosimini tomosha qilish uchun 1000 dan ortiq odam yig‘ildi.

Ular orasida 151 nafar birinchi bakalavriat bosqichi sohibi, shuningdek, karantin cheklovlari tufayli bitiruv marosimi oʻtkazilmagan 387 nafar magistratura talabasi, jumladan, 2020-2022-yilgi oʻquv yili bitiruvchilari ham bor edi. Marosimda jami 538 nafar bitiruvchi taqdirlandi.