“YILNING ENG YAXSHI MAQOLASI” TANLOVI

Yoshlarni ilm-fan sohasiga jalb etish va ularning tashabbuslarini qo’llab-quvvatlash hamda ilmiy-tadqiqot ishlarini olib borishlari uchun zarur shart-sharoitlar yaratish maqsadida O‘zbekiston Respublikasi Oliy va o‘rta maxsus ta’lim vazirligi, O‘zbekiston Respublikasi iste’dodli yoshlarni qo‘llab-quvvatlash «Ulug‘bek» jamg‘armasi va O‘zbekiston Respublikasi Yoshlar ishlari agentligi hamkorligida O‘zbekiston Respublikasi Prezidenti va nomdor stipendiya sohiblari, iqtidorli talabalar, doktorant va tadqiqotchilar o‘rtasida yilning eng yaxshi maqolasi tanlovi o‘tkazilishi rejalashtirilgan.

Talabgorlar tomonidan tayyorlangan maqolalarni keltirilgan talablar asosida rasmiylashtirilishi hamda joriy yilning 15-noyabr kuniga qadar vazirlikning Ilmiy tadqiqot va innovatsion faoliyatni rivojlantirish boshqarmasi (nauka@edu.uz, telegram: +998 946050345 )ga taqdim etilishi lozim.

            Maqola mavzulari va talablar bilan HAVOLA orqali tanishishingiz mumkin.