YOSHLAR ILMIY, ILMIY-AMALIY VA IJODIY ISHLAR XALQARO TANLOVI

Olimlar, iqtisodchilar, moliyachilar, dasturchilar, yozuvchilar, va umuman oddiy odamlar – har bir kishi yaqin yoki uzoq kelajak haqida o’ylaydi. Biroq, yoshlar o’zgarishlarning asosiy generatori bo’lib, ular o’z-o’zidan yaqin kelajakni tasavvur qila oladilar va ular mamlakat, sivilizatsiya va sayyorani rivojlantirishning keyingi ssenariylarini shakllantirishlari kerak. Shu munosabat bilan kelajakni modellashtirish markazi 2020-yilda «Horizon 2100» ilmiy, ilmiy-amaliy va ilmiy-fantastik ishlar tanlovini e’lon qilmoqda.

Loyihaning ishchi tillari — rus va ingliz.

Tanlovda ishtirok etish uchun 16 yoshdan 26 yoshgacha bo’lgan talaba-yoshlar, o’quvchilar, talabalar taklif etiladi, ular tanlov mavzusi bo’yicha o’zlarining ilmiy-tadqiqot va/yoki ilmiy-fantastik adabiy ijod mahsullarini taqdim etadilar.

Tanlov uch nominatsiya bo’yicha o’tkaziladi:

• 2100-yildagi sayyoramiz va insoniyat kelajagi haqidagi ilmiy tafakkurni va uning turli ssenariylarini rivojlantirish istiqbollarini aks ettirgan eng yaxshi ilmiy maqola, ilmiy-tadqiqot, ilmiy-amaliy ish uchun;
• Dunyo oldida turgan tahdidlarni bartaraf etish va / yoki 2045-yilgacha bo’lgan davrda insoniyatning barqaror kelajagini qurishga qaratilgan eng yaxshi ilmiy, ilmiy-tadqiqot, ilmiy-amaliy ish uchun;
• Eng yaxshi ijodiy ish uchun — 2100-yil boshida hayoliy innovatsion va original g’oyalar, hayoliy hodisalar, jarayonlar va kelajak istiqbollarini tasvirlaydigan ilmiy tushuntirish asosidagi ilmiy-fantastik hikoya.

Tanlov haqida batafsil ma’lumot olish uchun rasmiy havola: http://www.futurible.space/?p=2031