“Özbekiston” xalqaro anjumanlar saroyida “Markaziy Osiyo — ta’lim, fan va innovatsiyalarning yangi makoni” mavzusidagi Markaziy Osiyo xalqaro ta’lim forumi bölib ötmoqda.

Forumda O‘zbekiston, Qozog‘iston, Qirg‘iziston, Tojikiston va Turkmaniston ta’lim vazirlari, xalqaro tashkilotlar vakillari, yetakchi universitetlar rahbarlari va ekspertlar ishtirok etmoqda.

Anjuman doirasida ta’lim sifatini oshirish, universitetlararo hamkorlikni rivojlantirish, ilmiy tadqiqotlar samaradorligini kuchaytirish hamda innovatsion ishlanmalarni qo‘llab-quvvatlash masalalari muhokama qilinmoqda.

Asosiy maqsad – Markaziy Osiyoni ta’lim, ilm-ma’rifat va zamonaviy texnologiyalar uyg‘unlashgan yagona intellektual makonga aylantirish.