Ta’lim va ilm-fan vaziri Erkinjon Turdimovning ilk shaxsiy qabuli davomida maktabgacha ta’lim sohasida faoliyat yuritayotgan 36 nafar tadbirkorning murojaatlari tinglandi.

Muammolarni o‘rganish va hal etish uchun ishchi guruh tuzilishi qayd etildi. Bu tashabbus tadbirkorlarning faoliyatiga to‘sqinlik qilayotgan masalalarni aniqlash va qonuniy yechim topishga yordam beradi.

Bu nima uchun muhim? Tadbirkorlar uchun qulay sharoit yaratilishi yangi maktabgacha ta’lim tashkilotlari ochilishi, mavjud muassasalar faoliyati yaxshilanishi va bolalar uchun ta’lim imkoniyatlari kengayishiga xizmat qiladi. Zero, maktabgacha ta’limga kiritilgan har bir samarali sarmoya – bolalarning kelajagiga qo‘yilgan sarmoyadir.