“USTOZ VA MURABBIYLAR NUTQIDA RITORIKA: DARS MUVAFFAQIYATI SIRLARI” MAVZUSIDA SEMINAR BO’LIB O’TDI

Joriy yilning 9-oktabr kuni O’zbekiston davlat jahon tillari universiteti Tarjimonlik fakultetida “Ustoz va murabbiylar nutqida ritorika: dars muvaffaqiyati sirlari” mavzusida seminar bo’lib o’tdi.

Seminar Tarjimonlik fakulteti filologiya fanlari doktori, dotsent Samigova Xushnuda Botirovna tomonidan olib borildi, shuningdek, jarayonda Tarjimonlik fakulteti professor-o’qituvchilari, doktorantlar, bundan tashqari, mustaqil izlanuvchilar, magistrantlar va iqtidorli talabalar faol ishtirok etdi. O’qituvchilar notiqligiga bag’ishlangan mazkur ilmiy seminar barcha ishtirokchilar uchun foydali va samarali bo’ldi.

Eslatib o’tish joizki, ushbu loyiha Ingliz tili tarjima nazariyasi kafedrasi tomonidan tashkil etildi. Fakultetning bu loyihadan umidlari katta bo’lib,  uning pirovard maqsadi esa — bugungi kun talablariga javob beradigan yangi ta’lim sifatiga erishishdir.