ISPANIYANING MURSIYA UNIVERSITETI PROFESSORI O’ZDJTU TALABALARIGA MA’RUZA O’QIDI

Joriy yilning 30-oktabr kuni Ispaniyaning Mursiya universitetining “Turizm va xalqaro aloqalar” fakulteti professori Rosa Marcela Ramos O’zbekiston davlat jahon tillari universitetining Roman-german filologiyasi fakultetiga tashrif buyurdi.

Tashrifdan asosiy maqsad – ikki universitet hamda fakultet o’rtasidagi o’quv, ilmiy-amaliy, shuningdek, xalqaro aloqalarni boshlash, shartnoma tuzish va kelajakda hamkorlik qilishni ko’zda tutadi. Xususan, ispaniyalik professor Rosa Marsela Roman-german filologiyasi fakulteti dekani X.Xakimov, dekan muovini A.Xalillayev, Ispan tili nazariy fanlar kafedra mudiri I.Turamuratova va kafedra xalqaro ishlariga mas’ul D.Xaydarovalar bilan uchrashdi.

Uchrashuvdan so’ng professor Rosa Marsela 3-kurs talabalari bilan “La importancia del español en las relaciones” (Ispan tilining dunyodagi o’rni) va “La nueva diplomacia” (Yangi diplomatik aloqalar) mavzusida ma’ruza qildi. Talabalar o’zlarini qiziqtirgan savollariga javob oldilar.