Internews MediaCAMP dasturi doirasida O‘zbekiston, Qozog‘iston va Tojikiston OAV jurnalistlari, blogerlari, mustaqil jurnalistlari uchun jurnalistik surishtiruvlar maktabi o‘tkazilishi haqida ma’lum qiladi.

Jurnalistik surishtiruvlar maktabi mashg‘ulotlarining mavzulari:

• Qozog‘iston, Tojikiston va O‘zbekistondagi matbuotga oid qonunchilik
• Jurnalistik surishtiruv nima?
• Tadqiqotni rejalashtirish. “Xona” va “maydon” bosqichlari
• Surishtiruvchi jurnalistlar faoliyatidagi noqonuniy xatarlar va ularning kamaytirish
• Surishtiruvchi jurnalistning axloqiy va kasbiy standartlari
• Axborotlarni tizimlashtirish va tahlil qilish. Ma’lumotlar to‘plami va uning surishtiruvchi faoliyatidagi ahamiyati
• Odamlar ma’lumot manbai sifatida. Manbalar bilan ishlash va ularni himoya qilish
• Kuzatuv ma’lumot to‘plash usuli sifatida
• “Maydon”da ishlashni rejalashtirish – kuzatuv ko‘nikmalarini shakllantirish va yashirin ish olib borish
• Surishtiruv jarayonida hujjatli ma’lumot manbalari
• Qozog‘iston, Tojikiston va O‘zbekistondagi ochiq axborot resurslari
• Surishtiruv jarayonida intervyu. Suhbatga tayyorlanish va uni o‘tkazish
• Fakt va ma’lumotlarni tekshirish
• Storitelling. Televizion surishtiruvlarda, bosma nashr, onlayn va ijtimoiy tarmoqlarda materialni taqdim qilishning o‘ziga xosliklari.

Maktab o‘tkaziladigan manzil — Olmaota shahri (Qozog‘iston)
Mashg‘ulotlar sanasi — 14-20-may, 2021-yil (COVID-19 bilan bog‘liq karantin cheklovlari joriy qilinsa, sanalar ko‘chirilishi mumkin).

Tadbir tili — rus tili

Maktabda kimlar ishtirok eta oladi?
Surishtiruv janrida ishlaydigan faol OAV jurnalisti, bloger, mustaqil jurnalistlar.

Arizalarni saralashdagi asosiy mezonlar:

• Ishtirokchining jurnalistik surishtiruv janridagi tajribasi;
  OAV va ijtimoiy tarmoqlarda nashr etilgan maqolalarining mavjudligi;
• Kelgusidagi surishtiruvlar uchun mavzularning shakllangani;
• Mashg‘ulotlarda ishtirok etish uchun motivatsiya.

Eng qiziqarli surishtiruv mavzulari murabbiylar tomonidan qo‘llab-quvvatlanadi.
Safar va turar joy xarajatlari tashkilotchi tomonidan qoplanadi.

Ariza topshirish muddati — 19-mart, 2021-yil.

Batafsil ma’lumot va ariza to‘ldirish uchun havola: https://newreporter.org/uz/2021/02/18/markazij-osiyo-zhurnalistik-surishtiruvlar-maktabi/