O’zDJTUDA BRITANIYALIK MUSTAQIL EKSPERT BILAN PRESETT O`QUV DASTURI MUHOKAMA QILINDI

Joriy yilning 19-sentabr kuni O`zbekiston davlat jahon tillari universitetiga Buyuk Britaniyalik mustaqil ekspert Richard Vest tashrif buyurdi. Mazkur uchrashuv 2013-yildan beri bakalavr yo`nalishlarida bosqichma-bosqich tatbiq etib kelinayotgan PRESETT o`quv dasturining 5 yillik natijalarini o`rganish, yangi kiritilgan modullarga o`zgartirishlar kiritish bo`yicha keyingi chora-tadbirlarni aniqlab olish maqsadida tashkillashtirildi.

Suhbat doirasida O`zbekiston davlat jahon tillari universiteti talabalarining bugungi kundagi o`zlashtirish natijalari, yangi tashkil etilgan yo`nalishlar ko`lami aytib o`tildi. Shuningdek, talabalarning nafaqat til bilish, balki axborot texnologiyalari sohasidagi bilimlarini oshirish kerak ekanligi ham muhokama qilindi.