«TASHKENT INTERNATIONAL UNIVERSITY» XALQARO UNIVERSITETI TASHKIL ETILADI

«Tashkent education» nodavlat ta’lim tashkiloti faoliyatini tashkil etish chora-tadbirlari to’g’risida hukumat qarori qabul qilindi, deb xabar bermoqda «huquqiy axborot» kanali.

Qarorga muvofiq, maktabgacha, umumiy o’rta va oliy ta’lim sohasida ta’lim xizmatlari ko’rsatish uchun Toshkent shahrida «Tashkent education» nodavlat ta’lim tashkiloti tashkil etildi.

 Ta’lim tashkilotiga belgilangan vazifalarni amalga oshirish uchun quyidagilar ta’sis etildi:

• «Tashkent kindergarten» nodavlat maktabgacha ta’lim tashkiloti;
• «School of Tashkent» xalqaro umumta’lim maktabi;
• «Tashkent International University» xalqaro universiteti.

Ushbu ta’lim tashkilotlarida o’qitish o’zbek, rus va ingliz tillarida, O’zbekiston davlat ta’lim standartlari talablarini inobatga olgan holda, to’lov-kontrakt asosida amalga oshiriladi.