Markaziy Osiyoda o‘tkazilgan Mintaqaviy ekologik sammitda Qasim-Jomart Toqayev tashabbusi va yuqori darajadagi tashkilotchiligi alohida e’tirof etildi.

Tadbir “Barqaror kelajak uchun umumiy nigoh” g‘oyasi asosida o‘tkazilib, Samarqand iqlim forumida boshlangan muloqotning mantiqiy davomi sifatida ekologik muammolarni faqat hamkorlik orqali hal etish zarurligi ta’kidlandi.

Sammitda global iqlim o‘zgarishlari Markaziy Osiyoda yanada keskinlashib borayotgani, xususan, harorat oshishi, muzliklar qisqarishi, suv tanqisligi va yer degradatsiyasi kuchaygani qayd etildi. Shu bilan birga, global ekologik birdamlik yetarli emasligi va rivojlanayotgan davlatlar uchun moliyaviy hamda texnologik qo‘llab-quvvatlash zarurligi alohida urg‘ulandi.

O‘zbekiston ekologik barqarorlikni ta’minlash borasida keng ko‘lamli ishlarni amalga oshirmoqda va Parij bitimi majburiyatlarini muddatidan oldin bajargan. Sammitda “toza havo” konsorsiumi, “yashil savdo yo‘lagi”, mintaqaviy ekologik atlas va “Markaziy Osiyo Qizil kitobi”ni yaratish kabi qator tashabbuslar ilgari surildi.

https://president.uz/