HARBIY INSTITUTDA O‘zDJTUNING INGLIZ TILINI O‘RGANISH BO‘YICHA FILIALI ISH BOSHLADI

Oliy va o‘rta maxsus ta’lim vazirligi, Mudofaa vazirliklari va boshqa hamkor tashkilotlar qaroriga binoan, Axborot-kommunikatsiya texnologiyalari va aloqa harbiy institutida O‘zbekiston davlat jahon tillari universitetining ingliz tilini o‘rganish bo‘yicha filiali faoliyati yo‘lga qo‘yildi.

Harbiy institutda o‘tkazilgan respublika ilmiy-uslubiy konferensiyasi doirasida kursantlarning xorijiy tillarni o‘rganishlarini yanada takomillashtirish maqsadida tashkil etilgan ushbu filialning ochilish marosimi bo‘lib o‘tdi.

Universitet tomonidan harbiy institut ta’lim jarayonida ehtiyoj mavjud bo‘lgan o‘quv-uslubiy adabiyotlar bilan ta’minlandi. Ingliz tili o‘qitiladigan auditoriyalar to‘liq jihozlandi. Hamkorlik doirasida zamonaviy pedagogik texnologiyalarni joriy etilishida metodik yordam ko‘rsatilmoqda.

Shuningdek, Axborot-kommunikatsiya texnologiyalari va aloqa harbiy instituti hamda O‘zDJTU qoshidagi Innovatsion markaz hamkorligida “SIGNALS” English for the Military o‘quv qo‘llanmasi yaratildi.