OʻZBEKISTON DAVLAT JAHON TILLARI UNIVERSITETIGA REKTOR TAYINLANDI

09.09.2023

Toʻxtasinov Ilhomjon Madaminovich Oʻzbekiston davlat jahon tillari universitetining rektori etib tayinlandi va shu munosabat bilan Samarqand davlat chet tillari institutining rektori lavozimidan ozod etildi.

I.M.Toʻxtasinov 1980-y.da tugʻilgan, pedagogika fanlari doktori, professor.

I.Toʻxtasinovning jami ilmiy-uslubiy ishlari 138 tani tashkil etib, uning muallifligida 10 ta darslik, 6 ta monografiya, 84 ta oʻquv va uslubiy qoʻllanma nashr etilgan. 19 ta patent va guvohnomalar olingan. Xalqaro ilmiy texnik bazalardagi jurnallarda uning 9 ta maqolasi nashr etilgan boʻlib, “Xirsh indeksi” 19 ni tashkil etadi. Shuningdek, u tomonidan 18 ta oʻzbek tilidagi mashhur asar va romanlar ingliz tiliga tarjima qilinib, nashr etilgan.

I.Toʻxtasinov rahbarligida soʻnggi 2 yilda 7 nafar professor, 9 nafar fan doktori (DSc), 25 nafar dotsent va 48 nafar falsafa doktori (PhD) ilmiy darajasini olgan. Shu bilan birga, uning ilmiy rahbarligida 12 nafar falsafa fanlari doktori (PhD) va 2 nafar fan doktori (DSc) ilmiy darajalarini muvaffaqiyatli himoya qilgan.

Toʻxtasinov Ilhomjon Madaminovich rahbarligida Samarqand davlat chet tillar instituti respublikaning 28 ta OTMi qatorida “World University Rankings – 2023” xalqaro reytingida “reportyer” maqomiga ega boʻldi.

I.To‘xtasinovning tashabbusi bilan xalqaro aloqalar boʻyicha 89 ta yetakchi xorijiy oliy oʻquv yurti bilan hamkorlik shartnomalari imzolandi, soʻnggi 2 yilda 74 nafar xorijiy mutaxassis institutga jalb qilindi.

No Comments so far

Jump into a conversation

No Comments Yet!

You can be the one to start a conversation.

Your data will be safe!Your e-mail address will not be published. Also other data will not be shared with third person.

14 + 3 =