AQSHNING INDIANA UNIVERSITETI VAKILI O’ZBEKISTONGA TASHRIF BUYURDI

AQShning Indiana universiteti vakili O’zbekistonga bo’lgan tashrifi davomida O’zbekiston davlat jahon tillari universiteti rahbariyati bilan uchrashdi.

Indiana universitetining Markaziy Osiyo tadqiqotlari boʻlimi rahbari Gulnisa Nazarova OʻzDJTU rektori I.M. Tuxtasinov boshchiligidagi universitet vakillari bilan muzokaralar olib bordi.

Unda tomonlar Indiana universiteti Markaziy Osiyo tadqiqotlari markazi bilan oʻzbek tili va adabiyotini oʻqitish boʻyicha hamkorlik, hamkorlikda oʻquv adabiyotlari, qoʻllanmalar, shuningdek elektron resurslar bazasini yaratish, Oʻzbek tili markazini ochish va qoʻllab-quvvatlash, AQSHdagi oʻzbek tili oʻqitiladigan universitetlar bilan hamkorlikni yoʻlga qoʻyishda koʻmaklashish, Indiana universiteti va OʻzDJTU talabalari uchun yozgi maktablar tashkil qilish va boshqa sohalarda hamkorlik qilish masalalarini muhokama qildi.

https://uzswlu.uz/