DONGYANG UNIVERSITETI BILAN HAMKORLIK QILISH BO‘YICHA MUZOKARALAR O’TKAZILDI

Koreya Respublikasining Dongyang Universiteti vakillari Is’hoqxon Ibrat nomidagi Namangan davlat chet tillari institutiga tashrif buyurdi.

Tashrif davomida tomonlar ta’lim sohasidagi hamkorlikni rivojlantirish, talabalar va professor-o‘qituvchilar o‘rtasida almashinuv dasturlarini yo‘lga qo‘yish va ilmiy loyihalarda hamkorlik qilish bo‘yicha muzokaralar olib borishdi.

Uchrashuv Koreys tili markazida bo‘lib o‘tdi va mazmunli muzokaralar natijasida quyidagi kelishuvlarga erishildi:

• Talabalar va professor-o‘qituvchilar uchun o‘zaro almashinuv dasturlari tashkil qilish;

• Har ikki oliy ta’lim muassasasi o‘rtasida Memorandum imzolash va istiqbolli loyihalarni amalga oshirish.

Ushbu uchrashuv ikki davlat ta’lim tizimlari o‘rtasidagi aloqalarni mustahkamlashda muhim qadam bo‘ldi.