IELTS EKSPERTI, CHET ELLIK O‘QITUVCHI O‘ZBEKISTON DAVLAT JAHON TILLARI UNIVERSITETIDA ISH BOSHLADI

O‘zbekiston davlat jahon tillari universiteti rektori I.Tuxtasinov Buyuk Britaniyadan tashrif buyurgan va hozirda Ingliz tili amaliy fanlar kafedrasiga o‘qituvchi lavozimiga qabul qilingan Richard Gudalga universitetda oxirgi yillarda amalga oshirilayotgan keng ko‘lamli o‘zgarishlar, xususan universitetning ko‘plab nufuzli  xorijiy ta’lim muassasalari bilan amalga oshirilayotgan qo‘shma loyiha va dasturlar bilan tanishtirdi.

O‘z o‘rnida xorijlik mutaxassis O‘zbekistonda, xususan O‘zDJTUda xorijiy tillarni o‘qitish va o‘rganish uchun yaratilayotgan keng imkoniyatlarni yuqori baholadi.

Universitet rektori  mutaxassisning ko‘p yillik IELTS eksperti ekanligini hisobga olib unga o‘z faoliyati davomida universitet professor-o‘qituvchilari va talabalari bilan o‘zining xorijiy tajribasi bilan bo‘lishishi haqida tavsiya berib faoliyatiga muvaffaqiyat tiladi.