Ilmiy kengash – ma’lum bir fan tarmog‘ining tegishli ixtisosliklari yo‘nalishida talabgorlar uchun ko‘zda tutilgan attestatsiya tadbirlarini amalga oshirishni tashkil etish maqsadida tuzilgan jamoatchilik asosida faoliyat ko‘rsatadigan ilmiy-tashkiliy tuzilma.
Bugungi kunda oliy ta’lim muassasalari va ilmiy tashkilotlarda ilmiy darajalar beruvchi 315 ta ilmiy kengash 873 ta ixtisoslik asosida faoliyat yuritib kelmoqda. Shundan 176 tasi oliy ta’lim muassasalarida yo‘lga qo‘yilgan hamda kengashlarda oliy malakali ilmiy va ilmiy-pedagog kadrlar tayyorlash va ularni attestatsiyadan o‘tkazish amalga oshirilmoqda.
