“Мен китобнинг ишқибози ҳам ошиғи ҳам эмасман. Китоб – менинг қисматим… Агар китобдан айрилсам, ўзлигимдан айриламан…
Китобсиз на ўзим маълумман, на ўқилмаган хазонлар сингари қат-қат бўлиб ётган умрим варақлари…
Китобсиз яшаган одам юз йил яшаса ҳам дунёга нимага келганлигини тушунмай ўтади… Сокин кузда ажиб дамларни ҳис қиламан…” – дея айни куз чоғида мангуликка рихлат қилган домла Маҳмуд Саъдийнинг умри бесамар кетмади. Умрларини қанчадан қанча инсонлар қалбини илм нури ила ёритишга бахшида этдилар.
Яқинда журналимизда устоз Маҳмуд Саъдийнинг 80 – йиллик юбилейларига бағишлаб шогирдларининг табрикларини эълон қилган эдик…
Аммо, ўлим ҳақ. Бугун уларнинг оилалари, фарзандлари, шогирдларига сабр тилаб, устозга Аллоҳнинг раҳмат нурлари ёғилишини, охиратлари обод бўлишини сўраймиз.
No Comments so far
Jump into a conversationNo Comments Yet!
You can be the one to start a conversation.