MOSKVA DAVLAT XALQARO MUNOSABATLAR INSTITUTI – MDXMI (MGIMO) PROREKTORI ARTYOM VLADIMIROVICH MALGIN O’zDJTUGA TASHRIF BUYURDI

29.02.2020 766

2020-yil 28-fevral kuni O’zbekiston davlat jahon tillari universiteti rahbariyati Moskva davlat xalqaro munosabatlar instituti vakillarini kutib oldi va shu kunning o’zida o’zaro hamkorlik masalalarini muhokama qildilar.

Jumladan, tomonlar – O’zDJTU bakalavriat yo’nalishi bitiruvchilarini ushbu institutning Toshkentdagi filialida yo’lga qo’yilgan “Sinxron va yozma tarjima nazariyasi va amaliyoti” magistratura mutaxassisligi bo’yicha o’qishga jalb qilishga; magistratura bitiruvchilarini ish bilan ta’minlashda ko’maklashishga; turli yo’nalishlar bo’yicha tarmoq yoki qo’shma ta’lim dasturlarini hamkorlikda yo’lga qo’yishga; qolaversa, ikki tomonlama professor-o’qituvchilar almashinuvini, master-klass va seminarlar tashkil qilishga kelishib oldilar.

Shu kuni, mehmonlar universitet bilan yaqindan tanishdilar hamda Tarjimonlik fakultetida olib borilayotgan Sinxron tarjima darslarida ishtirok etishdi va talabalar bilan suhbatlashdilar.

No Comments so far

Jump into a conversation

No Comments Yet!

You can be the one to start a conversation.

Your data will be safe!Your e-mail address will not be published. Also other data will not be shared with third person.