Joriy yil 28–29-may kunlari O‘zbekiston Respublikasi Tashqi ishlar vaziri B.Saidov boshchiligidagi delegatsiya tarkibida Oliy ta’lim, fan va innovatsiyalar vazirining o‘rinbosari Otabek Maxkamov Rim shahrida o‘tkazilgan “Italiya-Markaziy Osiyo” tashqi ishlar vazirlarining uchinchi konferensiyasida ishtirok etdi.
“Italiya-Markaziy Osiyo” tashqi ishlar vazirlarining uchinchi konferensiyasi doirasida “Oliy ta’lim va bilim tarmoqlari” mavzusiga bag‘ishlangan 3-panel sessiyada O.Maxkamov o‘z taqdimoti bilan qatnashdi.
Bundan tashqari, Italiya Universitetlar va tadqiqotlar vaziri Anna Mariya Bernini bilan uchrashuv bo‘lib o‘tdi. A.Bernini universitetlar bilan hamkorlik aloqalarini yo‘lga qo‘yish va kengaytirish, Italiya universitetlarining O‘zbekistonda yangi filiallarini ochish, Italiyada muhandislik va texnika, geologiya, qishloq xo‘jaligi texnologiyasi va boshqa yo‘nalishlar bo‘yicha ilmiy tadqiqot dasturlarini amalga oshirish va ularni moliyalashtirishga qiziqish bildirdi.
2024-yil sentabr oyi oxirida O‘zbekiston va Italiya universitetlarining birinchi forumini Toshkentda o‘tkazish va Italiya delegatsiyasiga vazir A.Bernini shaxsan o‘zi rahbarlik qilishga tayyorligini ma’lum qildi.
No Comments so far
Jump into a conversationNo Comments Yet!
You can be the one to start a conversation.