“PANDEMIYA DAVRIDA CHET TILLARNI O‘QITISH STRATEGIYALARI” — XALQARO ILMIY-AMALIY ONLAYN ANJUMAN O’Z ISHINI BOSHLADI
16.04.2021Bugun, 16-aprel kuni O‘zDJTU huzuridagi Chet tillarni o‘qitishning innovatsiyaviy metodikalarini rivojlantirish Respublika ilmiy-amaliy markazi tashabbusi bilan O‘zDJTU, Yaponiyaning Sukuba universiteti hamda “Til va adabiyot ta’limi” – “Преподавание языка и литературы” – “Language and literature teaching” ilmiy-metodik jurnali hamkorligida “Pandemiya davrida chet tillarni o‘qitish strategiyalari” (Strategies in Teaching Foreign Languages during the Pandemic) mavzusida xalqaro ilmiy-amaliy onlayn anjuman o‘tkazilmoqda.
![](https://fledu.uz/wp-content/uploads/2021/04/photo_2021-04-16_10-09-38-1024x610.jpg)
Anjumanning maqsadi koronavirus pandemiyasi davrida chet tillarni o‘qitish metodologiyasi, sohadagi texnologiyalar integratsiyasi va onlayn darslar, ularning samaradorligi hamda muammolari yuzasidan tajriba va ilmiy fikr-mulohazalar almashishdan iborat. Onlayn anjuman masofaviy ta’lim istiqbollari hamda ta’lim sifatini ta’minlashning ustuvor vazifalari yuzasidan tajriba almashishda qulay imkoniyat bo‘lib xizmat qiladi.
![](https://fledu.uz/wp-content/uploads/2021/04/Screenshot_3-1-1024x538.png)
Anjumanning birinchi qismida respublika vazirlik va boshqa muassasalar mutasaddi xodimlari, xalqaro tashkilot va o‘quv markazlari vakillari, xalqaro ekspertlar, soha mutaxassislari, uzluksiz ta’lim tizimining barcha bosqichlarida faoliyat olib borayotgan professor-o‘qituvchilar ishtirokida onlayn yalpi yig‘ilish (a plenary session) o‘tkazilmoqda. Ikkinchi qismida esa alohida sho‘ba yig‘ilishlarida asosiy yo‘nalishlar bo‘yicha Yaponiya, O‘zbekiston va boshqa davlatlar mutaxassis va referentlarining ilmiy ma’ruzalari tinglanadi, bahs-munozaralar tashkil etilishi kutilmoqda.
No Comments so far
Jump into a conversationNo Comments Yet!
You can be the one to start a conversation.