“SAHRO SADOSI” II XALQARO YOSHLAR FESTIVALI O‘TKAZDI

Toshkent davlat iqtisodiyot universiteti Qoraqalpog‘istonning Ellikqal’a tumanida “Sahro sadosi” II Xalqaro yoshlar festivalini o‘tkazdi.

“Yangi O‘zbekistonni birgalikda quramiz!” shiori ostida bo‘lib o‘tgan festivalda Xorvatiya, Hindiston, Xitoy va qo‘shni mamlakatlardan turizm bo‘yicha mutaxassislar, ilmiy tadqiqotchilar hamda 1000 ga yaqin talaba yoshlar qamrab olindi.

Ikki kun davomida ko‘tarinki kayfiyatda o‘tgan festival doirasida xorijlik va mahalliy turizm mutaxassislari tomonidan Qoraqalpog‘iston turizmini rivojlantirishga qaratilgan treninglar, talaba-yoshlar ishtirokida rasm chizish ko‘rik-tanlovi, “Baliqdan 99 xil taom” milliy taomlar tanlovi, sport musobaqalari, milliy sport o‘yinlari tadbirlari hamda festival konsert dasturi keng qamrovda o‘tkazildi.